O Porto

O presidente da Autoridade Portuaria recibiu esta mañá á tripulación do patrulleiro Tabarca co seu comandante, o Tenente de Navío, Pablo Lewicki, quen fixo entrega á institución dunha acuarela do patrulleiro na súa base da Escola Naval Militar de Marín. O Tabarca entrou en servizo na Armada o 31 de decembro de 1981 e desde entón ten base na ENM. A súa misión principal, como buque integrante da Forza de Acción Marítima, é efectuar vixilancia no mar co obxectivo de protexer os intereses marítimos nacionais. Ademais participa no adestramento de alumnos da Escola Naval, efectúa colaboracións con outras unidades da Armada e coopera con organismos civís en diversas tarefas. É o oitavo buque da serie “ANAGA”, composta inicialmente por dez unidades das que actualmente quedan tres en servizo. Este patrulleiro toma o seu nome de Tabarca, unha pequena illa da provincia de Alacante. A actual tripulación do Tabarca, comandada por Pablo Lewicki, asistiu a unha charla sobre o funcionamento do sistema portuaria estatal a cargo do director da Autoridade Portuaria, Miguel Ángel Navarro. A continuación viraron unha visita polas instalacións portuarias para coñecer de preto as diferentes terminais especializadas coas que conta o porto.