Sustentabilidade

A Autoridade Portuaria de Marín sacou a licitación, mediante procedemento aberto ordinario, a asistencia técnica á dirección de obra das obras para a renovación e mellora das instalacións interiores da lonxa na súa terceira fase. O orzamento basee de licitación é de 35.000 euros (sen impostos) e o prazo de execución é de 13 meses. A obra está cofinanciada con Fondos Europeos FEMPA. En concreto, levarase a cabo o illamento e climatización da sala na que ten lugar a exposición e venda do peixe, situada na lonxa do porto, construída en 1976. A mellora do illamento e a renovación do sistema de climatización do edificio desta sala mellorará o aforro do consumo enerxético e mellorará a sustentabilidade e eficiencia do porto. A Autoridade Portuaria está plenamente comprometida coa mellora das instalacións do sector pesqueiro, tal e como se reflicte no seu Plan de Investimentos e nas sucesivas obras de mellora que se están realizando.