A Autoridade Portuaria saca a licitación a mellora da eficiencia enerxética en edificios do Porto
A Autoridade Portuaria de Marín publicou a licitación, mediante procedemento aberto ordinario, das obras para a mellora da eficiencia enerxética en edificios do Porto. O orzamento basee de licitación é de 515.750,79 euros (sen impostos) e o prazo de execución é de 6 meses. A obra está cofinanciada polo programa de fondos europeos FEDER.
En concreto, as actuacións, que consisten na substitución das instalacións de climatización e mellora dos seus envolventes, levaranse a cabo no edificio de Operacións Portuarias, nas oficinas da nave taller e no edificio auxiliar de servizos. Estas actuacións súmanse a outras importantes obras de mellora de eficiencia enerxética e redución da pegada de carbono que a Autoridade Portuaria está a realizar nos seus edificios, como a instalación de paneis solares para a utilización de enerxía fotovoltaica.
