ACTUALIDADE

Ata oito buques mercantes coinciden hoxe fondeados en augas da Ría pertencentes ás zonas de fondeo do Porto de Marín debido á imposibilidade de seguir os seus roteiros debido ás alertas polas malas condicións climatolóxicas no norte de Europa. En concreto, están resgardados na Ría á espera de que o tempo mellore, os barcos Eems Traveller, un cargueiro con propulsión eólica que estivo a operar na Terminal Cuberta e que ten destino no porto alemán de Brake; os cargueiros Monika, Aramis, Aberdeen, Dagmar, Eems River, Eems Duisburg, con destino a Runcorn (Inglaterra), Eemshaven (Holanda), Newry (Irlanda), Alxeciras, e Moeerdijk (Países Baixos) respectivamente e o mercante Crown Topaz que deixou no porto 1.500 toneladas de froita e cuxo próximo destino é Dover. Está previsto que en canto se levante a alerta por mal tempo, estas embarcacións retomen a súa actividade de forma graduada e continúen o seu traxecto rumbo ao seu próximo destino.