Actualidad

O Consello de Administración aprobou de forma definitiva na súa sesión telemática desta tarde o Plan de Empresa da Autoridade Portuaria para 2021 onde se recollen entre outros datos as principais liñas do Plan de Investimentos 2020-2024. O plan presentado está baseado na dispoñibilidade de fondos xerados en exercicios anteriores e nos recursos xerados polas operacións para o período 2020-2024. Nel contémplanse os obxectivos operativos, a memoria de sustentabilidade e o plan de investimentos para o devandito período. No plan de investimentos destacan para 2021-2024 as partidas destinadas aumento de capacidade das infraestruturas de atracada e almacenamento como a prolongación do Novo Peirao Comercial de Marín, proxectos de mellora de calados en accesos marítimos, actuacións asociadas a seguridade marítima, a sustentabilidade ambiental, mellora da accesibilidade viaria e remodelación de infraestruturas destinadas ao sector pesqueiro. Redución de taxas O Consello de Administración da Autoridade Portuaria aprobou ademais medidas económicas para paliar os efectos que a crise do coronavirus causou na actividade de diferentes empresas portuarias no exercicio de 2020. Trátase dun paquete de resolucións sobre as medidas, aprobadas polo Consello de Administración o pasado ano, para a redución de taxas en autorizacións e concesións do Porto, outorgadas segundo o previsto na Real Decreto Lei 26/2020. En concreto, refírense a reducións na taxa de ocupación e de actividade para varias empresas solicitantes.