Actualidad

O Consello de Administración aprobou na súa última sesión do ano o Plan de Empresa 2025 de forma definitiva. Trátase dun documento con horizonte 2028 no que se recollen todos os aspectos orzamentarios da entidade así como os relacionados coa planificación e xestión. A estrutura do Plan de Empresa está adaptada ao Marco Estratéxico do sistema portuario de interese xeral, que supón o documento de referencia para a planificación portuaria e que se apoia nas dimensións económica, social e ambiental recollendo os profundos cambios internos e externos que se produciron nos últimos anos nos sectores do transporte, a loxística e o comercio de mercadorías. O Plan de Empresa da Autoridade Portuaria contempla ademais o cofinanciamento europeo do que a entidade é beneficiaria a través de fondos do Mecanismo de Recuperación e Resiliencia (MRR) en actuacións ligadas á sustentabilidade ambiental e enerxía, do Programa Operativo FEDER do Marco 2021-2027 en investimentos ferroviarios e ambientais e da asignación do Fondo Europeo Marítimo, de Pesca e Acuicultura (FEMPA) en actuacións de desenvolvemento sostible da pesca. Vicepresidencia O Consello tamén aprobou o nomeamento de Luis López Diéguez como vicepresidente do órgano de goberno. Diéguez é vocal representante da Xunta de Galicia no Consello de Administración da Autoridade Portuaria en virtude da Orde da Consellería do Mar do 16 de febreiro de 2021, renovándose devandito cargo pola Administración Autonómica mediante Orde de data 21 de novembro de 2025. Tráficos novembro O presidente da Autoridade Portuaria deu conta da marcha dos tráficos de mercadorías polo porto ata o mes de novembro deste ano. A falta dun mes para terminar o ano, movéronse 2,1 millóns de toneladas de mercadoría entre as que destaca un aumento do 4% da mercadoría xeral non contenerizada, impulsado sobre todo polos movementos de eólicos, produtos siderúrxicos, froita ou material de construción. O número de buques mercantes que fixeron escala en porto durante este ano tamén rexistra un aumento do 4%.