23/10/2026
O Porto de Marín medra un 5% no movemento de mercancías ata setembro
O Porto de Marín, segundo os datos estatísticos provisionais, pechou o mes de setembro cunha porcentaxe de crecemento acumulado do 4,9% con respecto ao mesmo período do ano anterior (xaneiro-setembro) e un total que supera xa os 1,7 millóns de toneladas.
O capítulo de maior crecemento é a mercancía xeral que sobe preto dun 13%, tanto a que vén en contedor como a convencional. Para rematar, no que se refire ao número de buques, chegaron a porto entre xaneiro e setembro un 11,2% máis de mercantes que a estas alturas o pasado ano.
