20/10/2020
O veleiro Pelican of London refúxiase do temporal en Marín
O peirao Ceferino Nogueira do Porto de Marín acolle estes días a escala do veleiro británico Pelican of London, que se refuxiou do temporal na súa travesía polo Atlántico. Trátase dun barco de adestramento de vela con sede en Gloucestershire (Reino Unido) que realiza un cruceiro anual de instrución para promover a formación en navegación.
É un barco construído en 1948 que serviu como arrastreiro ártico e logo como mercante costeiro. En 2007 converteuse nun buque escola para a práctica da vela. Conta con 45 metros de eslora, 7 de manga e 4 de calado.
