13/09/2023
O mes de agosto rexistra un récord histórico no movemento de mercadorías do porto
As cifras de movemento de mercadoría provisionais do mes de agosto no Porto de Marín lanzan un rexistro histórico mensual con 308.883 toneladas de mercadoría cargada e descargada nos peiraos marinenses. Nunca antes se superaran as 300.000 toneladas nun só mes. Ata o de agora a cifra mensual máis alta rexistrouse en outubro de 2018 cun movemento de 286.759 toneladas.
Ata agosto, o porto experimenta un crecemento global do 3,34%, impulsado en gran medida pola alza dos graneis sólidos que superan nun 15,65% as cantidades descargadas no mesmo período do ano anterior. Dentro deste capítulo, destacan as partidas de cereais e as súas fariñas e de madeiras e cortiza.
Nos oito primeiros meses do ano continúa ademais o crecemento da pesca fresca no porto, cunha subida do 9,5% con respecto a 2022.
