08/06/2022
O Porto de Marín retirou do mar 11.440 quilos de lixo no que vai de ano
No Día Mundial dos Océanos, a Autoridade Portuaria de Marín e a flota pesqueira seguen a colaborar para a retirada de lixo das nosas costas. No que vai de ano, retiránronse xa 11.440 quilos de lixo procedente do litoral e fondos mariños.
O Porto leva implicado desde 2014 de forma moi activa no empeño de manter limpas as costas e así sacáronse preto de 161.000 quilos de lixo que son traídos a terra polos barcos que faenan no litoral. A Autoridade Portuaria recepciona estes residuos, clasifica e traslada a un compactador para posteriormente trasladalos a un xestor autorizado de residuos.
Esta actividade desde 2014 é continuidade de proxectos anteriores nos que participou o Porto de Marín como “Nada por la Borda” e “Pescal”, que foron accións temporais pero que a Autoridade Portuaria decidiu manter en colaboración coos armadores de pesca de Marín e a empresa Casercan.
